Nou Beskikbaar! 365 saamgebundelde rubrieke

Twyfelhoekie

Die rubriek, Twyfelhoekie, verskyn sedert 4 Mei 2011 in die gemeenskapskoerant Noordkaap, ‘n koerant van Media24, deesdae onder die naam NoordkaapBulletin.
Die skrywer van hierdie weeklikse rubriek is Hannes Noëth, ‘n kaalvoet-plaasseun van die plaas Twyfelhoek, tussen Koffiefontein en Petrusburg.
Hy noem die rubriek na sy grootwordwêreld, want sê hy, “daar het ek geleer kyk, dink, ervaar, beleef, wonder, sien en hoor – die plaas Twyfelhoek het my sekuriteit gegee in ‘n onseker wêreld.”
Die hoop is dat hierdie 365 saamgebundelde rubrieke sekuriteit in ’n onseker wêreld sal gee.

Koop Hier
Meer oor​

Hannes Noëth

Hannes Noeth is uitvoerende hoof van Solidariteit Helpende Hand. Hy word groot op die plaas Twyfelhoek, tussen Koffiefontein en Petrusburg. Hy studeer teologie te Potchefstroom en bedien die gemeentes Wolmaransstad, Naboomspruit en Kimberley.

Hy word gestuur na die Gereformeerde Skool Dirk Postma met die opdrag onderwysontwikkeling. Die laaste 7 jaar werk hy in die Solidariteit Beweging by Helpende Hand. Sy groot liefde is om mense te help en te ondersteun en hy het n besondere liefde vir geskiedenis. Hy skryf reeds die afgelope 13 jaar die rubriek Twyfelhoekie.

Oor die skrywer

‘n gewone mens op ‘n gewone plek wat leef tussen gewone mense.

“Hannes het ’n gawe om te luister en te hoor en dit blyk duidelik uit sy skrywes. Daar kan ook afgelei word dat mense hom werklik vertrou… Wat Hannes baie goed regkry, is om ‘n mens vir ‘n wyle te laat nadink oor ‘n kwessie, sonder om noodwendig skuldgevoelens by ‘n mens te kweek. Nie net gee Twyfelhoekie ‘n mens insig en begrip nie, dit leer ‘n mens ook oor dankbaarheid.” Ruan Bruwer (Redakteur Noordkaap)

“Ongekunsteldheid, fyn waarneming en wyse raad is ’n goue draad in elke Twyfelhoekie wat Hannes lewer.” Helena Barnard (Redakteur NoordkaapBulletin)

Shopping Cart